शिक्षा /स्वास्थ्यसमाचार
Trending

इजरायल जान ६ हजारभन्दा बढी युवाले दिए भाषा परीक्षा

६९२ जना अनुपस्थित

ADVERTISEMENT
ADVERTISEMENT

काठमाडौं । सरकारले सोमबार इजरायल जान इच्छुक युवाहरुको भाषा परीक्षा लिएको छ । वैदेशिक रोजगार विभागले काठमाडौंका विभिन्न ११ स्थानका १६ परीक्षा केन्द्रमा परीक्षा लिएको हो ।

ADVERTISEMENT

परीक्षा सञ्चालनमा शान्तिपूर्ण तवरमा भएको विभागका सूचना अधिकारी तथा प्रवक्ता कमल ज्ञवालीले जानकारी दिए । परीक्षामा सहभागी हुन ९ हजार ६९९ जनाले आवेदन दिएकोमा ७ हजार ९ जनाले परीक्षाका लागि प्रवेश पत्र बुझेका थिए ।

ADVERTISEMENT

योग्यता पुरा गरेर प्रवेशपत्र लिनेमा ३ हजार ७२७ पुरुष र ३ हजार २८२ जना महिला थिए । त्यसमध्ये परीक्षामा ६ हजार ३१७ जना सहभागी भएको र ६९२ जना अनुपस्थित रहेको ज्ञवालीले जानकारी दिए ।

उनका अनुसार ओएमआर प्रविधिबाट उत्तरपुस्तिका जाँच हुने भएकाले नतिजा आउन लामो सम नलाग्ने उनले बताए । कम्तिमा १६८० जनाले अन्तर्वार्ता दिनेगरी भाषा परीक्षाको नतिजा प्रकाशन हुनेछ ।

त्यसपछि अन्तरवार्ता लिने र त्यसपछि इजरायल जान योग्य १ हजार ४ सय कामदार छनोट गरिनेछ । सो सूची इजरायल सरकारलाई पठाइनेछ । इजरायलले सो सूचीबाट कम्प्युटर प्रणालीमार्फत ७० प्रतिशत महिला र ३० प्रतिशत पुरुषको छनोट गर्नेछ । छनोट प्रक्रिया सकिएपछि ७०० महिला र ३०० पुरुष इजरायल रोजगारको लागि जान पाउनेछन् ।

त्यसरी जाने श्रमिकले हप्ता ४२ घण्टा काम गर्नुपर्ने छ । श्रमिकले खानाको खर्च आफैंले गर्नुपर्ने हुन्छ ।

शुरुमा एक वर्षको करार ५ वर्षसम्म थप गर्न सक्ने व्यवस्था छ । इजरायल जान लाग्ने अनुमानित १ लाख ६५ हजार ७०० बराबरको खर्च श्रमिक आफैंले व्यहोर्नुपर्नेछ । त्यहाँ तोकिएका आयकर लगायतका कर पनि तिर्नुपर्ने हुन्छ ।

सरकारले ‘इजरायलमा नेपाली सहयोगी कामदार पठाउनेसम्बन्धी निर्देशिका-२०७८’ जारी गरिसकेको छ । यसअनुसार रोजगारीमा जाने व्यक्ति कम्तिमा १.५ मिटर उचाई र ४५ केजी तौल भएको हुनुपर्ने व्यवस्था छ ।

भिसाको शुल्क रोजगारदाताले तिर्नुपर्ने छ । तर, बीमा शुल्क, हवाईभाडा, अभिमुखीकरण शुल्क र कल्याणकारी शुल्क भने श्रमिकले नै तिर्नुपर्ने व्यवस्था निर्देशिकामा छ । इजरायलले पाँच सय नेपाली श्रमिक लैजाने गरी २०७७ माघ ८ मा समझदारी गरेको थियो ।

ADVERTISEMENT

अपन दैनिक न्युज डेस्क

लोकतन्त्र स्थापना र सुशासन प्रत्याभूति गराउन कहिल्यै कसैसँग सम्झौता गर्ने छैन । [email protected] फाेन नम्बर +977-033-521214

Leave a Reply

Your email address will not be published. Required fields are marked *

Back to top button