प्रतिकात्मक तस्वीर
स्कूल पढ्ने सबै विद्यार्थी एकनाशका हुँदैनन्, कतिपय विद्यार्थी बदमास र अनुशासनहीन पनि हुन सक्छन् ।
भारतको हरियाणा फतेहाबादस्थित टोहाना टोलमा रहेको राजकीय वरिष्ठ माध्यमिक विद्यालयका एक छात्रले महिला शिक्षकलाई देखेर सिँठी बजाएपछि ४० विद्यार्थीले पिटाइ खाएका छन् ।
विद्यार्थीको सामूहिक पिटाइपछि गम्भीर घाइते भएका १० जना विद्यार्थीलाई अस्पताल भर्ना गरिएको छ । घाइते विद्यार्थी र अभिभावकले शिक्षक र विद्यालयविरुद्ध प्रहरीमा उजुरी दिएका छन् ।
घटनापछि शिक्षा विभाग, प्रहरी अधिकारी र स्थानीय प्रशासन सक्रिय भएको छ । सिँठी बजाएको घटनामा सबै विद्यार्थीमाथि निर्घात कुटपिट गरिएपछि अभिभावक आक्रोशित बनेका भारतीय सञ्चारमाध्यमले जनाएका छन् ।
अस्पतालमा भर्ना भएका विद्यार्थी प्रीतपाल सिंहले पछाडिको बेन्चमा बसेका विद्यार्थीले सिँठी बजाएपछि सबैमाथि कुटपिट गरिएको गुनासो गरे । विद्यार्थीमाथि कुटपिट गर्ने शिक्षकलाई कारवाही हुनुपर्ने माग विद्यार्थीले राखेका छन् ।
