सिरहा । सिरहामा अवैध लागूऔषध सहित दुई जना पक्राउ परेका छन् । प्रहरीले सिरहाको गोलबजार नगरपालिका ३ गागन पुलबाट नाईट्राभेट ट्याब्लेट ९०० थान, अनटेस्ट पल्सर मोटरसाइकल, मोबाईल २ थान र नगद ३ हजार ३ सय ४६ सहित २ जनालाई पक्राउ गरेको हो ।
पक्राउ पर्नेहरूमा बरियारपट्टी गाउँपालिका ३ का २२ बर्षीय प्रमोद कुमार यादव र सुखिपुर नगरपालिका १० बस्ने २८ बर्षीय धनजित यादव रहेका छन् । प्रदेश प्रहरी कार्यालय जनकपुरधाम तथा ईलाका प्रहरी कार्यालय गोलबजारबाट खटिएको संयुक्त प्रहरी टोलीले चेकजाँच गर्ने क्रममा अबैध लागुऔषध बरामद गरेको जिल्ला प्रहरी कार्यालय सिरहाका प्रवक्ता डिएसपी सुवास बुढाथोकीले बताएका छन् ।
पक्राउ परेका दुवैजनालाई ईलाका प्रहरी कार्यालय गोलबजारमा राखेर थप अनुसन्धान भईरहेको प्रवक्ता बुढाथोकीले बताए ।
