अमर कुसैत, सिरहा । सिरहामा ट्याक्टर दुर्घटनामा परी एक युवको मृत्यु भएको छ । सिरहाकाे धनगढीमाई नगरपालिका-७ गागनखोला नजीकै स.१त.५९३५ नम्बरकाे ट्याक्टर आज विहान पल्टिदा गोलबजार नगरपालिका-१ निपानेका ३० वर्षिय अरुण यादवको मृत्यु हो ।
यादव ट्याक्टरमा लेबरको रुपमा काम गर्ने बताइएको छ । साउनदेखि भदौ मसान्तसम्म खोला बन्द हुने भएकाले रातिको समयमा बालुबा चोर्न गएको बेला ट्याक्टर अनियन्त्रीत भई पल्टिएको प्रहरीले बताएको छ । ट्याक्टरका चालक अर्जुन मुखिया र ट्याक्टर धनी दिनेश यादव दुवैजना फरार रहेको प्रहरीले जनाएको छ ।
ट्याक्टर दुर्घटनापछि ट्याक्टरमा रहेका सवै फरार भएका थिए । विहान स्थानीयले प्रहरीलाई खबर गरेको जनाएको छ ।
शव पोष्टमार्टमको लागि लहानस्थित रामकुमार उमाप्रसाद स्मारक अस्पताल पठाइएको जिल्ला प्रहरीले जनाएकाे छ ।
घटनाबारे थप अनुसन्धान भईरहेको जनाउँदै प्रहरीले चालक र ट्याक्टरधनीको खोजी भइरहेको जिल्ला प्रहरी कार्यालय सिरहाले जनाएको छ ।
