सिरहा । सिरहा नगरपालिका १२ सारस्वरमा मुस्लिम समुदायको धर्मगुरु पैगम्बर हजरत मुहमदको जन्मजयन्तीको पूर्ववसन्ध्यामा शुभकामना आदानप्रदान कार्यक्रमको आयोजना भएको छ ।
सिरहा नगरपालिका १२ नम्बर वडा कार्यालयको आयोजना र सारस्वर मुस्लिम समाजको समन्वयमा आयोजित शुभकामना मुबारकबाद तथा सम्मान कार्यक्रममा प्रमुख अथितिका रुपमा सिरहा नगरपालिकाका प्रमुख प्रशासकीय अधिकृत बलिराम यादव सहभागि थिए । वडा अध्यक्ष शत्रुधन साहको अध्यक्षतामा भएको कार्यक्रममा पैगम्बर हजरत मुहमदको १४९५ औं जन्मजयन्तीवारेमा चर्चा समेत गरिएको थियो । मुस्लिम समुदायको धर्मगुरु पैगम्बर हजरत मुहमदको योगदानवारे चर्चा गर्दै एक आपसमा भाईचार र धार्मिक सदभाव कायम राख्दै अगाडी वढ्नु पर्नेमा जोड दिईएको छ ।
उक्त कार्यक्रममा मो महमुद राईन, मोतिबुर रहमान, नदाफ राईन लगायत स्थानीय मुस्लिम समुदायका अगुवाहरुको सहभागिता रहेको थियो । कार्यक्रमका प्रमुख अतिथि प्रमुख प्रशासकीय अधिकृत यादवले समाजमा धर्म गुरुहरुको योगदान महत्वपूर्ण भएको र त्यसलाई समाजिक सदभाव र एकरुपतामा बलियोसाथ उपयोग गर्नुपर्नेमा जोड दिएका छन् ।
