समाचार
Trending

मनोरञ्जनको नाउँमा अर्धनग्न नाच गराउने जनप्रतिनिधिलाई कारबाही गर्ने चेतावनी

ADVERTISEMENT
ADVERTISEMENT

रौतहट प्रहरी प्रमुख एसपी विनोद घिमिरेले गाउँ-गाउँमा मेलाको आयोजना गरेर मनोरञ्जनको नाउँमा अर्धनग्न नाच गराउने जनप्रतिनिधिलाई पनि कारबाहीको दायरामा ल्याउन पछि नपर्ने चेतावनी दिएका छन् । चाडपर्वमा गरिएको सुरक्षा योजनाबारे जानकारी दिँदै घिमिरेले रौतहट लगायत तराईका जिल्लाहरूमा भारत र नेपालको विभिन्न स्थानबाट महिला ल्याएर मेलाहरूमा गराउने अर्धनग्न नाचले समाजमा विकृति फैलिने भएकाले त्यस्तो गतिविधि नियन्त्रण गरिने बताएका हुन् । कुनै पनि स्थानमा मेला, नाच, कुस्ती तथा अन्य कुनै समारोह गर्दा आयोजकले स्थानीय प्रशासनसँग अनिवार्य रूपमा स्वीकृति लिनुपर्ने बताए ।

ADVERTISEMENT

दसैँ तिहार मनाउन बाहिरबाट घर आउने यात्रु चढेको गाडीहरू दुर्घटना हुनबाट जोगाउन ट्राफिक प्रहरीका साथै जिल्लाका सबै युनिटका प्रहरी लाई विशेषरूपमा निगरानी गर्न निर्देशन दिएको एसपी विनोद घिमिरेले जानकारी दिएका छन् । त्यसैगरी सहरबाट दसैँ तिहार मनाउन गाउँ आएका परिवारका केटा केटीले जथाभावी सवारीसाधन न चलाउन भन्नेबारे पनि सबै युनिटमा निर्देशन दिएको एसपी घिमिरेले बताएका छन् ।

दसैँ दिपावली र छठ पर्वमा चोरी, डकैती, लुटपाट तथा अन्य आपराधिक गतिविधि हुन नदिन प्रहरीले रौतहटमा विशेष सुरक्षा नीति अपनाएको छ । विशेष नीति अनुसार प्रहरी गस्ती टोलीले चोरीमा संलग्न ४ जनालाई मौलापुर बाट नियन्त्रणमा लिएको छ । उक्त नीति अनुरूप चाड पर्वमा कुनै आपराधिक गतिविधि नहुने एसपी घिमिरेले विश्वास व्यक्त गरेका छन् ।

वर्तमान अवस्थामा घरमा महँगा गहना तथा ठुलो रकम न राख्ने तथा घर छोडेर कतै जानुपरे घरमा एकजना कुरुवा राख्ने तथा नजिकको प्रहरी चौकीमा खबर गर्न उनले सुझाव दिएका छन् । गाउँ ठाउँमा कुनै अपरिचित मानिस पटकपटक देखिएमा, अथवा कुनै शङ्कास्पद गतिविधि देखिएमा प्रहरी कन्ट्रोलको १०० नम्बरमा फोन गरेर समयमै जानकारी गराएमा सम्भावित घटनालाई रोक्न सकिने रौतहट प्रहरी प्रमुख एसपी विनोद घिमिरेले आग्रह गरेका छन् ।

जिल्लाको घुमुवा प्रहरीको गलत गतिविधि, तस्करी, अवैध मदिरा उत्पादन नियन्त्रण गर्ने प्रहरीको पहिलो काम रहेकाले त्यस्तो हरकत देखिएमा पनि खबर गर्न एसपी घिमिरेले रौतहट बासीलाई आग्रह गरेका छन् । दसैँ, तिहारमा शान्ति सुरक्षा कायम गर्न सशस्त्र प्रहरीको समन्वयमा नेपाल प्रहरी २४ सै घण्टा खटिरहेको उनले जानकारी दिएका छन् ।

Facebook Notice for EU! You need to login to view and post FB Comments!

ADVERTISEMENT

ADVERTISEMENT

अपन दैनिक न्युज डेस्क

लोकतन्त्र स्थापना र सुशासन प्रत्याभूति गराउन कहिल्यै कसैसँग सम्झौता गर्ने छैन । [email protected] फाेन नम्बर +977-033-521214

Leave a Reply

Your email address will not be published. Required fields are marked *

Back to top button