काठमाडौं । नइ एकेडेमीले आउँदो चैतमा ‘नेपाल भारत विश्वविद्यालय प्राध्यापक सम्मेलन’ आयोजना गर्ने भएको छ । चैत २७, २८ र २९ गते (अप्रिल १०, ११ र १२)का दिन काठमाडौंमा सम्मेलन आयोजना गरिँदै एकेडेमीले जनाएको छ ।
सम्मेलनमा नेपाली भाषासाहित्यको विद्यावारिधि तहसम्मको पठनपाठन र अनुसन्धान हुने दुवै देशका सम्पूर्ण विश्वविद्यालयका २८ प्राज्ञबाट दस्ताबेज प्रस्तुत गरिनेछ ।
एकेडेमीले समालोचक प्रा. डा. वासुदेव त्रिपाठीको प्राज्ञिक नेतृत्वमा तीनदिने सम्मेलन गर्न लागेको सदस्यसचिव नरेन्द्रराज प्रसाईले जनाएका छन् ।
