काठमाडौं : फिलिपिन्समा शुक्रबार बिहान ७.४ म्याग्निच्युडको भूकम्प गएको छ। अधिकारीहरूले शुक्रबार बिहान मिन्दानाओ क्षेत्रमा भूकम्प आएपछि ‘विनाशकारी’ सुनामीको चेतावनी जारी गरेका छन्।
अधिकारीहरूका अनुसार फिलिपिन्सका तटीय क्षेत्रहरूमा करिब तीन मिटर (१० फिट) उचाइका सुनामीका छाल आउन सक्ने आशंका गरिएको छ।
त्यसैबीच भूकम्पको केन्द्र मिन्दानाओ क्षेत्रबाट करिब ३०० किलोमिटर टाढा इन्डोनेशियामा पनि सुनामीको चेतावनी जारी गरिएको छ। यो चेतावनी इन्डोनेशियाको उत्तरी सुलावेसी र पापुआ क्षेत्रका लागि जारी गरिएको हो।
फिलिपिन्सका अधिकारीहरूका अनुसार सुनामीका सुरुवाती छालहरू स्थानीय समयअनुसार बिहान ११:४३ बजे आउने अनुमान गरिएको छ।
ज्वालामुखी र भूकम्प सम्बन्धी संस्थानले तटीय क्षेत्रमा बसोबास गर्ने मानिसहरूलाई ‘तुरुन्तै उचाइ भएको सुरक्षित स्थानतर्फ जान’ अनुरोध गरेको छ।
प्रतिक्रिया
सम्बन्धित खवर
