जनकपुरधाम । राष्ट्रिय एकता अभियानले प्रदेश २ सरकारविरुद्ध जनकपुरमा प्रदर्शन गरेको छ ।
प्रदेश २ सरकारले मदरसा शिक्षा विधेयक ल्याएर प्रदेशलाई तालिबान बनाउन लागेको आरोप लगाउँदै एकता अभियानले प्रदर्शन गरेको हो । उनीहरुले विधेयक फिर्ताको माग गर्दै प्रदर्शन गरेका हुन् ।
अभियानका केन्द्रीय अध्यक्ष विनय यादवको नेतृत्वमा गरिएको बिरोध प्रदर्शनमा अभियानका संरक्षक नवल किशोर बाबा, उपाध्यक्ष सुनीता साह, वरिष्ठ नेता काशीन्द्र यादव, केन्द्रीय सदस्य मनोज पासवान, शर्मिला माहरा,जितेन्द्र दास, प्रदेश २ संयोजक मिथुन साह, जनकपुर संयोजक मनीष पुरबे, उपाध्यक्ष एस के यादव लगायतका युवाहरुको उपस्थिति रहेको थियो ।
राष्ट्रिय एकता अभियानले मुख्यमन्त्री राउतको राजीनामा समेत माग गरेको छ । जनकपुरको रामानन्द चोकबाट शुरु भएको र्याली जनकचोक हुँदै भानु चोकमा पुगेर कोणसभामा परिणत भएको थियो । विरोध प्रदर्शनका क्रममा उनीहरुले मुख्यमन्त्री राउतको पुतला दहन गरेका छन्
