नयाँ दिल्ली ।  लरेन्स बिश्नोई गिरोहका शार्प शूटर नवीन कुमारको बुधवार इन्काउन्टरमा मृत्यु भएको दाबी उत्तर प्रदेश प्रहरीले गरेको छ । यूपी एसटीएफका अनुसार, बुधवार राति यूपी एसटीएफ र दिल्ली प्रहरीको विशेष सेलको संयुक्त अपरेसन गरेको थियो ।

इन्काउन्टर गाजियाबाद नजिकै हापुरको कोतवाली क्षेत्रमा भएको थियो । यूपी प्रहरीले जारी गरेको विज्ञप्तिअनुसार मृतक गाजियाबादको लोनीका बासिन्दा हुन्  अभियुक्तविरुद्ध लगभग २० वटा मुद्दा चलिरहेका थिए । यसमा हत्यालगायतका मुद्दाहरू थिए ।

‘इन्काउन्टरमा घाइते भएका नवीन कुमारलाई अस्पताल लगिएको थियो जहाँ डाक्टरहरूले उनलाई मृत घोषित गरे ।’ यूपी एसटीएफका एडीजी अमिताभ यशले भने । प्रहरीका अनुसार, नवीन कुमारलाई अदालतले दुई मुद्दामा सजाय सुनाएको थियो ।