काठमाडौं । इटालीको एकाधिकार विरोधी नियामकले सामाजिक सञ्जाल फेसबुकलाई ८५ लाख डलर जरिवानाको निर्णय गरेको छ ।
बुधबार इटालीको नियामकले प्रयोगकर्ताको विवरणमा गैरव्यावसायिक अभ्यास सच्याउन गरेको आग्रह पालना नगरेको भन्दै फेसबुकमाथि जरिवानाको निर्णय गरेको हो ।
यसअघि सन् २०१८ नियामकले फेसबुकले प्रयोगकर्तालाई उनीहरुको विवरण प्रयोग हुने गरेको विषयमा सही तरिकाले सूचना नदिइने गरेको भन्दै उक्त कदम सच्याउन निर्देशन दिएको थियो ।
नियामकले फेसबुकलाई सुधार गरिएको जानकारी इटालीका प्रत्येक प्रयोगकर्ताको होमपेजमा आउने बनाउन माग गरेको थियो र यसअघि राम्रोसँग सूचना नदिई विवरणहरु संकलन गरिएको विषयमा ५५ लाख डलर जरिवाना गरेको थियो ।
यद्यपि नियामकले गरेको अनुसन्धानमा भने फेसबुकले नियामकको निर्देशन पालना नगरेको पाइएको थियो ।
फेसबुकले भने यो निर्णयको पुनरवलोकनको लागि निवेदन दिने बताएको छ ।
साथै उसले यसअघि नै नियामकले यसअघि दिएको निर्देशन पनि पालना गरेको पनि दाबी गरेको छ ।
