सिरहाको सहलेस फुटबल क्लब दोस्रो ताप्लेजुङ गोल्ड कप फुटबलको फाइनलमा पुगेको छ।शनिवार भएको दोस्रो सेमिफाइनल खेलमा मधेस प्रदेशस्थित सलहेश फुटबल क्लब सिरहाले ट्राई बेकरमा बिर्तामोड युनाइटेड क्लब झापालाई ४-३ ले पराजित गर्दै फाइनलमा प्रवेश गरेको हो ।
निर्धारित र इञ्जुरी समयमा दुवै टोलीबाट एक एक गोल भई खेल बराबरीमा रहेकाले खेलको निर्णय ट्राई बेकरमा गर्नु परेको हो । अव उपाधि भिडन्तका लागि सहलेसले मोरङको सगरमाथा फुटबल क्लबसँग प्रतिस्पर्धा गर्नुपर्नेछ ।
यस अघि शुक्रवार भएको पहिलो सेमिफाइनल खेलमा मोरङको सगरमाथा फुटबल क्लब घरेलु टोली सङ्घर्ष स्पोटिङ क्लबलाई पराजित गर्दै फाइनलमा पुगेको हो । फाइनल खेल सोमबार हुनेछ ।
दोस्रो ताप्लेजुङ गोल्ड कपका बिजेताले नगद ५ लाख तथा उपविजेताले नगर २ लाख ५० हजार ५ सय ५५ रुपैयाँका साथ ट्रफी , मेडल र प्रमाण पत्र पाउने छन् । प्रतियोगितामा विभागीय टोली त्रिभुवन आर्मी, नेपाल सुपर लिग खेलेको बुटवल लुम्बिनी एफसी , भारत सिलगुढीको कञ्चनजङ्घा फुटबल क्लब सहित आठ टिमको सहभागिता थियो ।
