बर्दिया — प्रहरीले ब्राउन सुगर जस्तो देखिने खैरो धुलो पदार्थसहित दुई जनालाई पक्राउ गरेको छ । उनीहरुलाई गएराति बढैयाताल गाउँपालिका–८ नयाँ बस्तीस्थित भित्री सडकबाट पक्राउ गरेको हो ।
जिल्ला प्रहरी कार्यालयका सूचना अधिकारी एंव डिएसपी तुलसीराम अर्यालका अनुसार बासगढी नगरपालिका–८ माछागढका २२ वर्षीय खड्गबहादुर थापा र सोही पालिका–८ का २६ वर्षीय रमेश थारुलाई ४ ग्राम ८ सय मिलिग्राम उक्त पदार्थ फेला पारेको जनाए ।
भारतीय सीमा बलैगाउँ हुँदै मोटरसाइकलमा आउँदै गर्दा शंका लागि चेकजाँच गर्दा उक्त पदार्थ फेला पारेको प्रहरीले जनाएको छ । उनीहरुलाई आवश्यक कारवाहीका लागि नियंत्रणमा लिई अनुसन्धान प्रक्रिया अघि बढाइएको छ ।
