हावाले आगो उडाएर ल्याएर आगलागी हुँदा दाङको राजपुर–७ हाडबास गाउँमा आइतवार दिउँसो २४ घर जलेर नष्ट भएका छन् ।
गाउँमा रहेका २५ घरमध्ये २४ घर आगलागीबाट जलेर नष्ट भएको वडाध्यक्ष पुष्कर ओलीले जानकारी दिए ।
गाउँसम्म पुग्ने बाटो नहुँदा आगो निभाउन दमकल पुग्न सकेको छैन ।
जसका कारण आगलागी नियन्त्रणमा लिन नसकिएको वडाअध्यक्ष ओलीले बताए ।
घटना स्थलमा अहिले प्रहरीको टोली पुगेको र क्षतिको विवरण संकलनको काम भइरहेको जिल्ला प्रहरी कार्यालय दाङले जनाएको छ ।
