सिरहा । सिरहा नगरपालिकाको पशु विकास शाखाले आफ्नो कार्यालय आसपासको सरसफाईलाई विशेष ध्यान दिन आग्रह गरेको छ ।
पटक पटक सूचना जारी गर्दै कार्यालय वरीपरी हाटबजारको फोहरले दुर्गन्धित हुने गरेकोले त्यसलाई सफाई गर्न सम्बन्धित ठेकेदारलाई आग्रह गरेको छ । नेपाल पत्रका महासंघको भवनमा सिरहा नगरपालिकाको पशु विकास शाखा संचालनमा रहेको भन्दै शाखा प्रमुख राजेन्द्र प्रसाद यादवले हाटबजारको फोहर र कार्यालय वरपर माछा विक्रि गरिसकेपछिको फोहर व्यवस्थापन नहुँदा दर्गन्धत फैलिएको बताएका छन् ।
आफ्नो कार्यालय वरपरको फोरह तत्काल व्यवस्थापन गर्न सिरहा हटियाको ठेक्का लिएका ठेकेदारलाई आग्रह गर्दै यस विषयमा नगरपालिकाको सरसफाई शाखालाई पनि समन्वय गरिदिन उनले आग्रह गरेका छन् । दुर्गन्धले विभिन्न रोगको जोखिमलाई ध्यानमा राख्दै सेवाग्राही कार्यालय आउन नचाहेको भन्दै शाखा प्रमुख यादवले यथास्रिघ सरसफाईमा ध्यान दिन आग्रह गरेका छन् ।
