सिरहा । जिल्ला प्रशासन कार्यालय सिरहाले सरकारले सार्वजनिक बिदा दिएको दिन समेत सेवा प्रवाह गर्ने भएको छ ।
सिरहाका प्रमुख जिल्ला अधिकारी भोजराज खतिवडाले सूचना जारी गरेर सार्वजनिक बिदाको दिन पनि सेवा प्रवाह हुने जनाएका हुन् । उनका अनुसार भोलि बकर ईदका दिन पनि नागरिकता, राहदानी तथा राष्ट्रिय परिचयपत्रका सेवाहरु प्रदान गरिनेछ ।
गृह मन्त्रालयबाट २०७९ चैत्र ०२ को नेपाल राजपत्रमा प्रकाशित सूचना अन्तर्गत सार्वजनिक सेवा प्रवाह सम्बन्धी विशेष व्यवस्थाअनुसार नागरिकता, राहदानी तथा राष्ट्रिय परिचयपत्रका सेवाहरु सार्वजनिक बिदाका दिनमा समेत प्रवाह गरिने प्रमुख जिल्ला अधिकारी खतिवडाले जारी गरेको सूचनामा उल्लेख छ ।
उभौली पर्व, बुद्ध जयन्ती, गणतन्त्र दिवस, रक्षाबन्धन, घटस्थापना, क्रिसमस डे, उधौली पर्व, योमरी पुन्हि ज्यापु दिवस, पृथ्वी जयन्तीलगायतको सार्वजनिक विदामा पनि सेवा प्रवाह गरिने प्रमुख जिल्ला अधिकारी खतिवडाले जनाएको छ ।
यस्तै, माघी पर्व माघे संक्रान्ती, राष्ट्रिय प्रजातन्त्र दिवस, महाशिवरात्री तथा अन्तराष्ट्रिय महिला दिवस र ग्याल्पो ल्होसार, फागुपूर्णिमको विदामा पनि सेवा प्रवाह हुने भनिएको छ ।
प्रतिक्रिया
सम्बन्धित खवर
