ADVERTISEMENT
राजनीतिसमाचार

उपेन्द्र यादवसँगै सरकारमा बसेर काम गर्न कठिनाइ छैनः राजेन्द्र महतो

ADVERTISEMENT
ADVERTISEMENT

लोकतान्त्रिक समाजवादी पार्टी, नेपालका सांसद राजेन्द्र महतोले पार्टी सरकारमा सहभागी बन्ने वा नबन्ने भन्ने विषयको चाँडै टुंगो लाग्ने बताएका छन् । मंगलवार संसद् बाहिर सञ्चारकर्मीहरुसँग कुरा गर्दै उनले लासपा र गठबन्धनबीच सरकारमा सहभागी हुने र आगामी निर्वाचनमा गठबन्धन गर्ने कुरामा छलफल भइरहेको जानकारी दिए ।

ADVERTISEMENT

उनले छलफल सकारात्मक रहेको र अबको केही दिनमा नै टुंगो लाग्ने बताए । महतोले जनता समाजवादी पार्टीसँग बसेर काम गरिसकेकोले सरकारमा सँगै बस्नको लागि कुनै कठीन नरहेको बताए ।

‘हामी चुनावको तयारीमा लागिसकेका छाँै । गठबन्धनको सवाल पनि उठिरहेको छ । तर अहिले ५ दलीय जुन गठबन्धन हो त्यो गठबन्धनको तर्फबाट आमन्त्रण आइरहेको छ । कुरा पनि भइरहेको छ । चाँडै यो विषयमा हामी टुंगोमा पुग्नेछौँ’,  उनले भने, ‘छैटौँ दलको रूपमा गठबन्धनमा जाने हो वा होइन चाँडै हामी टुंगोमा पुग्छौँ । जसपा र हामी एउटै सरकारमा बसेर जान केही गाह्रो छैन । सरकारको कुरा पनि भइरहेको छ ।’

लोसपा, जसपाबाट अलग भई गठन भएको पार्टी हो । महन्थ ठाकुरले पार्टी फुटाई लोसपा गठन गरेका हुन् । हालै विभाजन भएको पार्टीबीच सहकार्य हुन नसक्ने टिप्पणी भइरहेकाले लोसपा नेता महतोले सँगै बसेर काम गर्न केही गाह्रो नभएको प्रतिक्रिया दिएका हुन् ।

ADVERTISEMENT

अपन दैनिक

लोकतन्त्र स्थापना र सुशासन प्रत्याभूति गराउन कहिल्यै कसैसँग सम्झौता गर्ने छैन । [email protected]

Leave a Reply

Your email address will not be published.

Back to top button

Sorry !! कृपया नयाँ सिर्जना गर्नुहोला !!