बालिकाले कहिले औषधि खाने र छोड्ने गर्दा स्वास्थ्य अवस्था गम्भीर बन्दै गयो । अभिभावक बालिकालाई लिएर बाल श्वास–प्रश्वास तथा सघन रोग विशेषज्ञ डा. जगतजीवन घिमिरेकहाँ पुगे । उनले बालिकालाई क्षयरोग भएको आशंका गर्दै परीक्षण गर्न सुझाए । केही दिनको परीक्षणबाट उनमा क्षयरोग भएको पुष्टि भयो ।
‘एकदमै गम्भीर अवस्थामा आउनुभएको थियो । क्षयरोगले विभिन्न अंगमा असर गरिसकेको थियो’ डा. घिमिरेले भने, ‘तीन हप्ता आईसीयूमा राखेर उपचार गर्नुपर्यो ।’
