वितरण गरिएको पोशाक लगाएका विद्यार्थीहरु

कोकिला भण्डारी
धनकुटा । जिल्लाको महालक्ष्मी नगरपालिका – २ का वडा अध्यक्ष पदम रखाल मगरले आफूले पाएको सेवा सुविधाबाट ऐश्वर्य आधारभुत विद्यालयका ३८ जना विद्यार्थीलाई पोशाक वितरण गर्नुभएको छ ।
जाडो मौसम आएँगै विद्यालयमा विद्यार्थीहरुको पठनपाठनलाई निरन्तरता र विद्याथीलाई पढाई प्रति आर्कषण गराउने उद्धेश्यले वडाध्यक्ष मगरले महालक्ष्मी नगरपालिका –२ मा सञ्चालित उक्त विद्यालयमा अध्ययनरत विद्यार्थीलाई ट्रयाकसुट र टाइ वितरण गर्नु भएको हो ।
उहाँले आफूलाई सरकारले दिएको सेवा–सुविधा बापतको रकमले ट्रयाकसुट खरिद गरि जनताका छोराछोरीलाई पढाईमा सहयोग गरेको बताउनु भयो ।
आफूलाई चुनावमा जनताले भोट दिएर जिताएको हुँदा आफु जनताको सेवक भएकाले जाडोकै कारणले कुनै पनि विद्यार्थीले पढाई छोड्न नपरोस भन्ने उद्धेश्यका साथ आफ्नो सेवा सुविधा जनताका छोराछोरीलाई न्यानो कपडा निःशुल्क वितरण गरेको उहाँको भनाई छ ।