सिरहा । प्रहरीले प्रतिबन्धित लागूऔषध सहित एक युवकलाई पक्राउ गरेको छ । वडा प्रहरी कार्यालय सिरहा ‘ख’ का इन्चार्ज सैय राजेश कुमार यादव नेतृत्वको टोलीले सिरहा नगरपालिका १८ इटारीबाट प्रतिबन्धित लागूऔषध सहित युवकलाई पक्राउ गरेको हो । पक्राउ पर्नेमा अर्नामा गाउँपालिका ३ का २३ वर्षीय पप्पु दास रहेको प्रहरी नायव निरिक्षक (सैय) यादवले बताएका छन् ।
स ४ प ७६०८ नम्बरको मोटरसाईकलमा भारतबाट लागूऔषध सहित नेपाल आउँदै गर्दा गोप्य सूचनाको आधारमा पुगेको प्रहरी टोलीले दासलाई पक्राउ गरेको हो । प्रतिबन्धित लागूऔषध फेनारागन ईन्जेक्सन १ सय पिस, डाईजेपाम ईन्जेक्सन १ सय पिस र नोर्फीन ईन्जेक्सन १ सय पिस गरी ३ सय पिस बरामद गरिएको प्रहरी नावय निरिक्षक यादवले बताए ।
पक्राउ गरिएका दासलाई थप अनुसंधानको लागि जिल्ला प्रहरी कार्यालय सिरहामा राखिएको छ ।
यस्तै प्रहरीले एक जना फरार व्यक्तिलाई पक्राउ गरेको छ । लेनदेन मुद्दामा फरार रहेका कल्याणपुर नगरपालिका २ चतरी का ५५ वर्षीय शितल मलाह मुखियालाई पक्राउ गरेको जिल्ला प्रहरी कार्यालय सिरहाले जनाएको छ । पक्राउ गरिएका मुखियालाई जिल्ला अदालत सिरहाले २ वर्ष कैद सजाय सुनाएको प्रहरीले जनाएको छ ।
