काठमाडाैं । घुस दिन खोजेको आरोपमा प्रहरीले मदिरा कारोबारीलाई पक्राउ गरेको छ।
प्रहरीलाई २५ हजार घुस रकम अफर गरेपछि उदयपुरस्थित त्रियुगा नगरपालिका ११ बस्ने टिकाबहादुर बस्नेतलाई पक्राउ गरिएको जिल्ला प्रहरी कार्यालय उदयपुरले जनाएको छ।
शुक्रबार प्रहरीले ज १च १५४६ नम्बरको बोलेरो पिक अपमा ल्याएको भन्सार छलीको सामान नियन्त्रणमा लिएको थियो।
पिकअपमा बियर, विभिन्न ब्राण्डका रक्सि, गुट्खा र किराना सामान फेला परेको थियो। करिब १ लाख २० हजार मूल्य पर्ने सामानको बिल, भरपाई र भन्सार जाँचपास कागज देखाउन नसकेपछि प्रहरीले सो गाडी नियन्त्रणमा लिएको थियो।
उक्त सामग्री छुटाउन घुस दिन खोज्ने बस्नेतलाई पक्राउ गरिएकाे प्रहरीले जनाएकाे छ।
प्रहरीले बरामद गरेको सामान आवश्यक कारवाहीका लागि सोमबार करदाता सेवा कार्यालय गाईघाटमा बुझाएको छ।
