काठमाडौं– नेकपाका सांसद वर्षमान पुनले प्रधानमन्त्री संसद्को नेता हुने भएकाले संसदलाई मर्यादित र व्यवस्थित बनाउने जिम्मेवारी प्रधानमन्त्रीकै भएको बताएका छन्।
प्रतिनिधिसभामा सरकारको नीति तथा कार्यक्रममाथिको छलफलका क्रममा बोल्दै पुनले प्रधानमन्त्री बालेन शाह अनुपस्थित रहेको विषयमा सत्तारुढ राष्ट्रिय स्वतन्त्र पार्टी लाई ध्यानाकर्षण गराएका हुन्।
पुनले संसदीय लोकतन्त्रमा संसद्को नेता प्रधानमन्त्री नै हुने उल्लेख गर्दै नीति तथा कार्यक्रममाथिको छलफल स्वयं प्रधानमन्त्रीको जिम्मेवारी र स्वामित्वको विषय भएको बताए।
उनले भने, ‘संसदीय लोकतन्त्रमा संसद्को नेता प्रधानमन्त्री नै हो। संसद्लाई व्यवस्थित र मर्यादित बनाउने जिम्मेवारी प्रधानमन्त्रीकै हुन्छ।’
