मन्त्री तिमिल्सिनाले सरकार जनताको करको सही सदुपयोगमा प्रतिबद्ध रहेको भन्दै अनियमितता वा दुरुपयोग देखिएमा नागरिकले खबरदारी गर्नुपर्ने बताए।
उनले सरकार शून्य सहनशीलताको नीतिमा अघि बढिरहेको उल्लेख गर्दै भ्रष्टाचार वा पदको दुरुपयोग देखिए तत्काल छानबिन र कारबाही हुने बताए।
सञ्चारमन्त्रीका अनुसार सरकारको प्राथमिकता सुशासन, सेवा प्रवाह सुधार र पूर्वाधार विकासमा केन्द्रित छ। विकास क्रमिक प्रक्रिया भएकाले तत्काल चमत्कारको अपेक्षा नगर्न पनि उनले आग्रह गरे।
सरकारले गाउँ–गाउँ पुगेर नागरिकका समस्या सुनेर नीति निर्माण गर्ने लक्ष्य राखेको पनि उनले जानकारी दिए।
