सिरहा । सिरहा नगरपालिकाका जनप्रतिनिधि र कर्मचारीबीचको मैत्रीपूर्ण फुटबल प्रतियोगितामा जनप्रतिनिधिको टिम पराजित भएको छ ।

सदरमुकाम सिरहास्थित सूर्यनारायण सत्यनारायण मोरबैता यादब बहुमुखी क्याम्पसको खेल मैदानमा भएको दशौं दिनको नगर स्तरीय फुटबल प्रतियोगितामा जनप्रतिनिधि र कर्मचारीबीच भएको मैत्रीपूर्ण खेलमा प्रमुख प्रशासकीय अधिकृत बलिराम यादवको टिमले मेयर डा नविन कुमार यादवको टिमलाई ट्राइब्रेकरमा ३–० ले पराजित गरेको हो ।

मेयर डा यादवको नेतृत्वमा जनप्रतिनिधि र प्रमुख प्रशासकीय अधिकृत यादवको नेतृत्वमा कर्मचारीको टिमबीच प्रतिष्पर्धा भएको हो ।
मेयर डा यादवको टिममा मेयरसहित विभिन्न वडाबाट निर्वाचित जनप्रतिनिधि र प्रशासकीय अधिकृत यादवको टिममा कर्मचारी र वडा सचिव सहभागी थिए ।
मेयर डा नविन कुमार यादवले यो खेलले जनप्रतिनिधि र कर्मचारी बीचको सम्बन्धलाई प्रगाढ बनाउने विश्वास व्यक्त गरे ।

May be an image of 5 people, people playing soccer, people playing football and grass

May be an image of 6 people, people playing soccer, people playing football and grass

नगरमा जनप्रतिनिधि भएर आएको २० महिना बढी हुँदा पनि सबै कर्मचारीहरुसँग प्रत्यक्ष रुपमा सम्बन्ध कायम हुन नसकेको तर नगर स्तरीय फुटबल प्रतियोगितामा भएको मैत्रीपूर्ण फुटबल खेलले सम्बन्ध सुधार गर्ने बताए । मेयर डा यादवले जनप्रतिनिधिहरु खेल हारेपनि फुटबल आयोजनाको उद्देश्य अनुरुप पूरा भएको उनले बताए ।
आज मंगलवार फाईनल खेल वडा नम्बर ७ राजा सलहेश र वडा नम्बर ९ ठेगंही टिमवीच हुने आयोजकले जनाएको छ ।

फाईनल खेलका विजेता टोलीले नगद ५० हजार र उपविजेता टोलीले २५ हजार सहित ट्रफी, मेडल र प्रमाणपत्र प्राप्त गर्नुको साथै विभिन्न बिद्यामा उतकृष्ट हुने खेलाडीलाई नगद र ट्रफी प्रदान गर्ने आयोजक सलहेश युवा कल्वका अध्यक्ष राजिप यादवले बताएका छन् । प्रतियोगिताको आर्थिक सहयोग सिरहा नगरपालिकाले गरेको छ । प्रतियोगितमा उत्कृष्ट खेल प्रर्दशन गर्ने खेलाडीलाई अगामी दिनमा हुने अन्तराष्ट्रिय फुटबल खेलको लागि चयन गरिने आयोजकको तयारी रहेको छ । प्रतियोगितावाट २० जना खेलाडी चयन गरिने अध्यक्ष राजिपले बताएका छन् ।

 

प्रतिक्रिया

सम्बन्धित खवर

ताजा समाचार

लोकप्रिय

error: Content is protected !!