ADVERTISEMENT
प्रदेशप्रदेश नं २राजनीति

नेपालमा एकल नेतृत्वका लागि कुनै दल सक्षम छैनन् : मन्त्री यादव

ADVERTISEMENT
ADVERTISEMENT

जनकपुर । प्रदेश-२ का भौतिक पूर्वाधार मन्त्री रामसरोजकुमार यादवले नेपालका कुनै पनि पार्टीले सरकार एकल नेतृत्व गर्न सक्षम नरहेको दाबी गरेका छन् ।

ADVERTISEMENT

नेपाल इन्जिनियर एसोसिएसनको निर्वाचनलाई मध्यनजर गर्दै नेपाल कांग्रेस निकट लोकतान्त्रिक इन्जिनियर समूह (दिलीप कुमार झा) फाइनलले शुक्रबार जनकपुरधाममा आयोजना गरेको एक अन्तरक्रियामा मन्त्री यादवले उक्त दाबी गरेका हुन् ।

‘छिमेकी मुलुक भारतमा लामो समयदेखि विभिन्न पार्टीका संयुक्त सरकारको अभ्यास रहे पनि नेपालमा त्यो अहिलेसम्म खासै गरिएको छैन’, मन्त्री यादवले भने, ‘अहिलेको अवस्थामा नेपालमा कुनै पनि पार्टी एकल सरकारको नेतृत्व गर्न सक्षम देखिएको छैन । तत्कालीन नेकपाको झन्डै दुई तिहाइको सरकारले पनि पाँच वर्षसम्म नेतृत्व गर्न सकेन ।’

संघीय सरकारदेखि प्रदेश सरकारमा पनि सम्पूर्ण लोकतान्त्रिक शक्ति एकजुट भई सरकारको नेतृत्व गरिरहेको भन्दै मन्त्री यादवले भने, ‘संविधान र संघीयतालाई संस्थागत गर्न अहिले लोकतान्त्रिक शक्तिलाई एकजुट हुनुको विकल्प छैन । हामी एकजुट भएर अगाडी बढेको खण्डमा मात्रै लोकतन्त्र र संघीयतालाई संस्थागत गर्न सक्छौं ।’

अगामी मंसिर २४ गते हुने नेपाल इन्जिनियर एसोसिएसनको निर्वाचन नजिकिँदै जर्दा विभिन्न संगठनले आ–आफ्ना प्यानलका उम्मेदवारको प्रचार गरिरहेका छन् । सोही क्रममा लोकतान्त्रिक इन्जिनियर समूहबाट नेपाल इन्जिनियर एसोसिएसनका अध्यक्ष पदका उम्मेदवार दिलीप कुमार झाले शुक्रबार जनकपुरधाममा एक कार्यक्रमको आयोजना गरेका थिए ।

देशको भौतिक पूर्वाधार निर्माणमा इन्जिनियरहरूको भूमिका महत्त्वपूर्ण रहेको भन्दै उम्मेदवार झाले भने, ‘एसोसिएसनले इन्जिनियरहरूको क्षमता अभिवृद्धिदेखि लिएर उनीहरूको पेसागत सुरक्षा, बेरोजगारीलगायतका समस्या सम्बोधन गर्न हाम्रो टिम सक्षम छ ।’

ADVERTISEMENT

अपन दैनिक न्युज डेस्क

लोकतन्त्र स्थापना र सुशासन प्रत्याभूति गराउन कहिल्यै कसैसँग सम्झौता गर्ने छैन । [email protected] फाेन नम्बर +977-033-521214

Leave a Reply

Your email address will not be published.

Back to top button

Sorry !! कृपया नयाँ सिर्जना गर्नुहोला !!