मासिक श्राव बन्द हुनु मात्र होइन गर्भवती हुनुको संकेत

मासिक श्राव बन्द हुनु मात्र होइन गर्भवती हुनुको संकेत

अपन दैनिक
श्रावण ७, २०७८ मा प्रकाशित
१७९ पटक पढिएको
मासिक श्राव बन्द हुनु मात्र होइन गर्भवती हुनुको संकेत

दम्पतीको लागि एक सुखद् सूचक हो, गर्भ रहनु । जब दम्पतीले सन्तानको योजना बनाएका हुन्छन्, तब गर्भ रहनु उनीहरुका निम्ति सुखद् खबर हो । तर, कतिपयको लागि यो खबरले त्यस्तो सुख दिदैन । अनपेक्षित रहने गर्भ उनीहरुका निम्ति टाउको दुखाईको विषय बन्न सक्छ ।

गर्भ रहेको वा नरहेको कुरा कसरी भेउ पाउने ?

यसका लागि पिसाब जाँच्ने सामान्य र सरल विधी छ । प्रेग्नेन्सी टेस्ट किटको माध्यामबाट कुनैपनि महिलाले घरमै गर्भ रहेको वा नरहेको पक्का गर्न सक्छन् ।

साथै गर्भ रहेको सरल सूचक हो, महिनावरी रोकिनु । अर्थान नियमित महिनावरी रोकिएपछि त्यसलाई नै गर्भ रहेको संकेतको रुपमा बुझिन्छ । त्यसैगरी महिलाको स्तन केही कोमल हुन्छ, केही थकान महसुष हुन्छ । मर्निङ सिकनेस पनि यसको अर्को लक्षण हो । यी सबै कुराहरु एकसाथ देखिए यो कुरा पक्का गर्न सकिन्छ कि, गर्भ रह्यो ।

तर, यी लक्षणहरु देखिनुअघि पनि महिलामा गर्भ रहे वा नरहेको केही संकेत देखापर्छ । यी संकेतलाई मिहिन रुपमा ख्याल गरेमा गर्भ रहेको वा नरहेको थाहा हुन्छ ।

भेजाइनल डिस्चार्ज अर्थात योनी स्राव

यसलाई अक्सर गर्भावस्थासँग जोडेर हेरिदैन । तर, कहिले काहीँ योनी स्राव अर्थात भेजाइनल डिस्चार्जले गर्भवती भएको संकेत दिन्छ । गर्भावस्थाको क्रममा चिपचिपे, सेतो वा हल्का पहिलो रंगको योनी श्राव हुनसक्छ । वास्तवमा हर्मोन्स बढाउन र योनीको रक्त प्रवाह बढाउनका लागि यस किसिमको योनीश्राव हुन्छ ।

गर्भावस्थाको बेला यो बढ्दै जान्छ ताकि महिलाको गर्भाशय ग्रीवा र योनीको भित्ता नरम गरेर संक्रमण रोक्न सकियोस् । तर, गन्धसहितको हरियो–पहेंलो रंगको योनीश्राव भयो भने यो संक्रमणको संकेत हुनसक्छ । त्यसैले चिकित्सकसँग परामर्श लिनैपर्छ ।

शरीरको तापमान बढ्नु

सुन्नमा तपाईंलाई अनौठो लाग्नसक्छ तर, शरीरको तापमान बढ्नु पनि गर्भवती हुने इशारा हो । पहिलो पटक डिम्बोत्सर्जन अर्थात ओभ्युलेशन पछि बिहान उठ्दा शरीरको तापमान थोरै बढेको हुनसक्छ । यसलाई बेसल बडी टेम्पेचरको रुपमा बुझिन्छ । यो दुई सप्ताहभन्दा बढी समय रह्यो भने तपाईंमा गर्भ रहेको संकेत हुनसक्छ ।

रक्तश्राव रोकिनु

यो सबैभन्दा सरल र साझा संकेत हो, गर्भ रहेको । तर, सबै अवस्थामा मासिक श्राव रोकिनुको अर्थ गर्भ रहनु होइन । लगभग २५–४० प्रतिशत गर्भवती महिलामा गर्भधारण भएपछि हल्का रक्तश्राव हुन्छ वा सुरुवातमा केही धब्बा देखिन्छ । यसबाट कति महिलालाई के लाग्छ भने मासिक श्राव भयो । तर, हल्का रक्तश्राव तब हुन्छ जब निषेचित अन्ड गर्भाशयमा जोडिन्छ । गर्भाधानको दुई सप्ताहपछि यहाँ तपाईं हल्का धब्बा देख्न सक्नुहुन्छ ।

पटक-पटक बिमार हुनु

गर्भावस्थाले तपाईंको प्रतिरक्षा क्षमता कमजोर बनाउँछ । यसैको कारण ज्वरो, खोकी, फूलु हुने संभावना रहन्छ । हुन त यस्तो लक्षण अन्य बेला पनि देखिन सक्छ । यद्यपि बेलाबखत गर्भास्था हुँदा ज्वरो, खोकी लगायतका लक्षण देखिन सक्छ ।

मूड स्विंग हुनु

जब महिला गर्भवती हुन्छन्, तब हर्मोनमा अचानक परिवर्तन हुन्छ । यस्तो अवस्थामा उनीहरुले आफ्नो भावनालाई नियन्त्रण गर्न सक्दैनन् । उनीहरुको मुड परिवर्तन भइरहनसक्छ ।

छापा संस्करण

२०७८ साउन ९ शनिवार

तपाईको सूचनाको तिर्खा मेट्न अपन दैनिक डट कममा ताजा र खोजमूलक समाचार (अपन दैनिक इ–पेपर) निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा अपन दैनिकले कहिल्यै कसैसँग सम्झौता गर्ने छैन ।

  • वेबसाईट: www.apandainik.com
  • ईमेल: [email protected]
  • फोन नम्बर: ९७७–०३३–५२१२१४
  • ठेगाना: सिरहा नगरपालिका वाड नम्बर ७, (जिल्ला– सिरहा प्रदेश नम्बर २ नेपाल)

प्रेस काउन्सिल दर्ता नं.: १०३५/०७५-०७६
जिल्ला प्रशासन सिरहा दर्ता नं.: ९०/०७१-०७२
पान नं. ६०२७९७३८६

  • प्रकाशक: शुभ नारायण कामती (9854021739, 9801321739)
  • विज्ञापनका लागि सम्पर्क: रुन्केश कामती (9852821214)

Copyright © 2016 / 2021 - अपन दैनिक - सर्वाधिकार सुरक्षित