सिरहा भन्सारले लक्ष्यभन्दा १ करोड ६२ लाख वढी राजश्व असुली

सिरहा भन्सारले लक्ष्यभन्दा १ करोड ६२ लाख वढी राजश्व असुली

शुभ नारायण कामती
श्रावण ५, २०७८ मा प्रकाशित
१५७ पटक पढिएको
सिरहा भन्सारले लक्ष्यभन्दा १ करोड ६२ लाख वढी राजश्व असुली

सिरहा । सिरहाको माडरमा रहेको सिरहा भन्सार कार्यालयले लक्ष्यभन्दा करिब एक करोड ६२ लाख वढी राजश्व असुली गरेको छ । 

सिरहा भन्सार कार्यालय माडर, सिरहाले आर्थिक वर्ष २०७७/०७८ मा दिईएको लक्ष्यभन्दा १ करोड ६२ लाख ९८ हजार वढी राजश्व असुली गरेको हो । १९ करोड ३० लाख ९५ हजार राजश्व असुली गर्ने लक्ष्य रहेको सिरहा भन्सार कार्यालयले आर्थिक वर्ष २०७७/०७८ को अन्तिम दिनसम्म २० करोड ९३ लाख ९३ हजार रुपैयाँ असुली गरेको छ । माघ देखि असार महिना सम्ममा लक्ष्य अनुसार राजश्व असुली गर्न नसकेपनि वर्षदिनको लक्ष्यभन्दा ८ प्रतिशत वढी राजश्व असुली भएको सिरहा भन्सार कार्यालय, माडर सिरहाका प्रमुख जगदीश कुमार पुर्वेले बताएकाछन् ।

क्वारेन्टाइन र विषदी परिक्षणको ल्याब सिरहामा नभएको र लकडाउनका कारण भन्सार लक्ष्य अनुसार असुली हुन नसकेको भन्दै कार्यालय प्रमुख पुर्वेले समग्रमा लक्ष्यभन्दा वढी नै राजश्व असुली गरिएको बताए । सिरहा भन्सार कार्यालयले कपडा, मोटरपार्टस, टायल्स, मार्वल, ग्रेनाइट र ताजा तरकारीवाट राजश्व असुली गरेको भन्दै कार्यालय प्रमुख पुर्वेले फाटफुट रुपमा दैनिक उपभोग्य, लत्ताकपडा र स्पेयर पार्टसवाट पनि राजश्व असुली भएको बताए ।

सिरहा भन्सार कार्यालयका अनुसार साउनमा २ करोड ६८ लाख ९० हजार, भदौमा २ करोड १९ लाख ३८ हजार, असोजमा ३ करोड २७ लाख ६० हजार, कात्र्तिकमा २ करोड १० लाख २२ हजार, मंसिरमा २ करोड ९८ लाख ८४ हजार, पुसमा २ करोड ४ लाख ९ हजार, माघमा १ करोड ३३ लाख २ हजार, फागुनमा ९४ लाख ८८ हजार, चैतमा १ करोड ३६ लाख ७१ हजार, वैशाखमा १ करोड ७६ लाख, जेठमा ३५ लाख ६४ हजार र असारमा ५७ लाख ५ हजार राजश्व असुली गरिएको छ ।

आर्थिक वर्ष २०७५/०७६ मा सिरहा भन्सार कार्यालयले लक्ष्य भन्दा ५ करोड ४९ लाख भन्दा बढी राजश्व असुली गरेको थियो । १० करोड ७८ लाख २४ हजार लक्ष्य रहेकोमा १५ करोड ४९ लाख ९० हजार राजश्व असुली गरेको थियो । 

त्यस्तै २०७६/०७७ मा सिरहा भन्सार कार्यालयले लक्ष्य भन्दा करिब २ करोड ५६ लाख भन्दा कम राजश्व असुली गरेको थियो । २० करोड ३० लाख ८ हजार लक्ष्य रहेकोमा १७ करोड ७३ लाख ४० हजार मात्र राजश्व असुली भएको प्रमुख पुर्वेले बताए ।

छापा संस्करण

२०७८ साउन ९ शनिवार

तपाईको सूचनाको तिर्खा मेट्न अपन दैनिक डट कममा ताजा र खोजमूलक समाचार (अपन दैनिक इ–पेपर) निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा अपन दैनिकले कहिल्यै कसैसँग सम्झौता गर्ने छैन ।

  • वेबसाईट: www.apandainik.com
  • ईमेल: [email protected]
  • फोन नम्बर: ९७७–०३३–५२१२१४
  • ठेगाना: सिरहा नगरपालिका वाड नम्बर ७, (जिल्ला– सिरहा प्रदेश नम्बर २ नेपाल)

प्रेस काउन्सिल दर्ता नं.: १०३५/०७५-०७६
जिल्ला प्रशासन सिरहा दर्ता नं.: ९०/०७१-०७२
पान नं. ६०२७९७३८६

  • प्रकाशक: शुभ नारायण कामती (9854021739, 9801321739)
  • विज्ञापनका लागि सम्पर्क: रुन्केश कामती (9852821214)

Copyright © 2016 / 2021 - अपन दैनिक - सर्वाधिकार सुरक्षित