मेरो प्यारो पोखरा

मेरो प्यारो पोखरा

माधबी पौडेल
असार २५, २०७८ मा प्रकाशित
८४ पटक पढिएको
मेरो प्यारो पोखरा

पोखरा गण्डकी प्रदेशको कास्की जिल्लामा अवस्थित छ। कास्की जिल्ला र गण्डकी प्रदेशको सदरमुकाम पनि हो, पोखरा। चारैतिर भर्याङ आकारका हरियाली डाँडाहरूले यसलाई घेरेका छन्।

बिचमा सम्म परेको पोखरा भ्याली बिवाहमा सिंगारिएको बेहुली जस्तै सुन्दर अनि असाध्यै सफा छ। बिचमा फेवाताल र त्यसमा पौडी खेल्ने माछापुच्छ्रे हिमालको छायाँले पोखराको सुन्दरतालाई अझ मनमोहक बनाएको छ।

पोखरामा धेरै घरहरू छन्। यहाँ ७७ जिल्लाका मानिस बस्नुहुन्छ। पोखरेलीहरूको मन पोखरा जस्तै सफा र सुन्दर छ। यहाँ धेरै क्याम्पस र विद्यालयहरू छन्। यिनीहरूले म जस्ता धेरै बिद्यार्थीलाई असल ज्ञानगुनका कुरा सिकाएर देशको लागि राम्रा र दक्ष कर्णाधार जन्माउँछन्।

पोखरा रमणीय शहर भएकाले विश्वका धेरै शहर अनि नेपालभित्रकै विभिन्न जिल्लाका मानिस घुम्नका लागि यहाँ आउनुहुन्छ। यहाँ घुम्नका लागि धेरै महत्वपूर्ण ठाँउहरू छन्। त्यस्ता घुम्न योग्य ठाँउहरूमा सराङकोट, लेकसाइड, फेवाताल, शान्तिस्तुप, गुप्तेश्वर गुफा,अन्तर्राष्ट्रिय पर्वतिय संग्रहालय, बन्जिजम्प, चमेरे गुफा, लेखनाथका सात वटा ताल लागायत छन्।

म पोखरामै बस्ने भएकाले मेरो बाबा र आमासँगै यी सबै ठाँउहरू घुमेकी छु। सुन्दर अनि रमाइलो भएकाले मलाई यी ठाँउहरू असाध्यै मन पर्छ।

पोखराबट देखिने मुस्कुराइरहेका हिमालको दृष्यले सबेजनाको मन लोभ्याउँछ। यो सुन्दर शान्त र सफा शहरलाई सदैब यस्तै राखिरहनु हामी सबैको कर्तव्य हो। नेपालकै उत्कृष्ट सुन्दर शहर पोखरा घुम्न आउनको लागि म सबै पोखरेलीहरूको तर्फबाट हार्दिक निमन्त्रणा छ।

सबैले आफ्नो जीवनको केही समय पोखराको लागि छुट्याएर यहाँको प्राकृतिक सुन्दरता हेर्न नभुल्नुहोला। मेरो प्यारो पोखरा, मेरो सुन्दर पोखरा, मुटुभन्दा प्यारो छ।

मेरो प्यारो पोखरालाई म आफूलाई जत्तिकै माया गर्छु।

(माधबी पौडेल धौलागिरी बोर्डिङ स्कुल, पोखरामा कक्षा तीनमा अध्ययनरत छिन्।)

छापा संस्करण

२०७८ साउन ९ शनिवार

तपाईको सूचनाको तिर्खा मेट्न अपन दैनिक डट कममा ताजा र खोजमूलक समाचार (अपन दैनिक इ–पेपर) निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा अपन दैनिकले कहिल्यै कसैसँग सम्झौता गर्ने छैन ।

  • वेबसाईट: www.apandainik.com
  • ईमेल: [email protected]
  • फोन नम्बर: ९७७–०३३–५२१२१४
  • ठेगाना: सिरहा नगरपालिका वाड नम्बर ७, (जिल्ला– सिरहा प्रदेश नम्बर २ नेपाल)

प्रेस काउन्सिल दर्ता नं.: १०३५/०७५-०७६
जिल्ला प्रशासन सिरहा दर्ता नं.: ९०/०७१-०७२
पान नं. ६०२७९७३८६

  • प्रकाशक: शुभ नारायण कामती (9854021739, 9801321739)
  • विज्ञापनका लागि सम्पर्क: रुन्केश कामती (9852821214)

Copyright © 2016 / 2021 - अपन दैनिक - सर्वाधिकार सुरक्षित