आम हड्तालले सिरहा ठप्प (फोटो फिचर)

आम हड्तालले सिरहा ठप्प (फोटो फिचर)

अपन दैनिक संवाददाता
माघ २२, २०७७ मा प्रकाशित
४९४ पटक पढिएको
आम हड्तालले सिरहा ठप्प (फोटो फिचर)

सिरहा । नेपाल कम्युनिस्ट पार्टी (नेकपा) को प्रचण्ड–माधव पक्षले आहृवान गरेको आमहड्तालको प्रभाव सिरहा जिल्लामा पनि परेको छ । प्रधानमन्त्री केपी शर्मा ओलीले गरेको प्रतिनिधि सभा विघटन र संवैधानिक आयोगहरुमा संसदीय सुनुवाईविनै गरिएको नियुक्ति असंवैधानिक, अलोकतान्त्रिक र प्रतिगामी भएको भन्दै त्यसको विरोधमा नेकपाको प्रचण्ड–माधव समूहले आम हड्ताल आहृवान गरेको हो ।

आम हड्ताल आहृवानका कारण सिरहा जिल्लाको मुख्य बजारहरु लहान, गोलबजार, मिर्चैया, सदरमुकाम सिरहा ठप्प बनेको छ । बिहानैदेखि सार्वजनिक यातायात र मालवाहक सवारी साधनहरु चल्न सकेका छैनन् । बजार, शिक्षण संस्थाहरु पनि बन्द छन् । आन्दोलनकारीले सडकमा टायर बालेर सवारी साधन चल्न दिएका छैनन् ।

सडकमा बिहान सेनाका गाडीहरु समेत घुमाइएको थियो भने प्रहरीको उपस्थिति पनि बाक्लो बनाइएको छ । प्रहरीको गाडी साइरन बजाउदै चोकचोक र गल्ली गल्लीमा गस्ती गरेको छ । 
सदरमुकाम सिरहामा नेकपाका सिरहा जिल्ला सचिव तथा प्रदेश सांसद प्रमोद कुमार यादवको अगुवाईमा नेकपाका नेता कार्यकर्ताहरु बजारमा घुमिरहेको छ ।

त्यस्तै सिरहाको पूर्व–पश्चिम राजमार्ग अन्तर्गत बस्तीपुरमा पूर्व कानून मन्त्री अजय शंकर नायक र कर्जन्हा नगरापलिकाका मेयरको अगुवाईमा राजमार्ग अवरुद्ध पारेको छ । सडकमा पातलो संख्यामा निजी तथा साना सवारीहरु मात्रै देखिएका छन् । सिरहामा १ः१५ बजेसम्म आम हड्तालका क्रममा कुनै अप्रिय घटना नभएको जिल्ला प्रहरी कार्यालय सिरहाका प्रवत्ता डिएसपी शालीग्राम शार्मले बताए ।

May be an image of one or more people, people standing and road

No description available.

No description available.

No description available.May be an image of road

Apan Dainik News

छापा संस्करण

२०७८ जेष्ठ ४ मंगलवार

तपाईको सूचनाको तिर्खा मेट्न अपन दैनिक डट कममा ताजा र खोजमूलक समाचार (अपन दैनिक इ–पेपर) निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा अपन दैनिकले कहिल्यै कसैसँग सम्झौता गर्ने छैन ।

  • वेबसाईट: www.apandainik.com
  • ईमेल: [email protected]
  • फोन नम्बर: ९७७–०३३–५२१२१४
  • ठेगाना: सिरहा नगरपालिका वाड नम्बर ७, (जिल्ला– सिरहा प्रदेश नम्बर २ नेपाल)

प्रेस काउन्सिल दर्ता नं.: १०३५/०७५-०७६
जिल्ला प्रशासन सिरहा दर्ता नं.: ९०/०७१-०७२
पान नं. ६०२७९७३८६

  • प्रकाशक: शुभ नारायण कामती (9854021739, 9801321739)
  • विज्ञापनका लागि सम्पर्क: रुन्केश कामती (9852821214)

Copyright © 2016 / 2021 - अपन दैनिक - सर्वाधिकार सुरक्षित