सुन आयातको कोटा बढाउन माग

सुन आयातको कोटा बढाउन माग

आज सुन चाँदी व्यवसायीको नयाँ नेतृत्व चयन हुँदै

अपन दैनिक
पौष २५, २०७७ मा प्रकाशित
९३ पटक पढिएको
सुन आयातको कोटा बढाउन माग

काठमाडौं । नेपाल सुन चाँदी व्यवसायी महासंघले सुन आयातको कोटा बढाउन सरकारलाई आग्रह गरेको छ । विदेशी विनिमय सञ्चिती गर्ने नाममा सरकारले सुनको कोटा घटाउँदा व्यवसायीहरु पसल बन्द गर्नु पर्ने अवस्थामा पुगेको महासंघका अध्यक्ष मोहन कुमार विश्वकर्माले बताए ।

काठमाडौंमा सुरु भएको महासंघको सातौं तथा आठौं वार्षिक साधारणसभा एवं तेस्रो महाधिवेशनको उद्घाटन सत्रमा बोल्दै उनले यस्तो धारणा राखेका हुन् ।

बजारमा उपभोक्ताले माग गरे बमोजिम सुनको अभाव भएको भन्दै उनले कच्चा पदार्थ नभएर व्यवसाय गर्नै नसकिने अवस्थामा पुगिएको गुनासो गरे । ‘कोरोनाको नाममा व्यवसाय धर्मराएकै छ त्यसमाथि सरकारी कोटा प्रणालीले सिजनमै व्यवसाय चल्न सकेन,’ अध्यक्ष विश्वकर्माले भने, ‘सुनको आयात तत्काल नबढाउने हो भने धेरै व्यासायीहरु पलायन हुने अवस्था आउन बेर लाग्दैन ।’ दैनिक १० किलो सुनको आयातले सात प्रदेशमा वितरण गर्नै नपुग्ने उनको भनाइ थियो ।

सामान्य अवस्थामा दैनिक १५ किलो र सिजनका बेला दैनिक ४० देखि ४५ किलो सुन आयात गर्ने व्यवस्था गर्न पनि उनले सरकारसँग माग गरे । सुन आयातको सम्बन्धमा सरकारी नीति अस्थिर भएको भन्दै अध्यक्ष विश्वकर्माले व्यवसाय प्रवर्द्धन नियमन गर्ने ऐन तथा कार्यविधि तत्काल ल्याउन सरकारको ध्यानाकर्षण गराए ।

महासंघका अनुसार एक वर्षमा नेपालमा ५० अर्ब रुपैयाँ बराबरको सुन चाँदीको कारोबार हुन्छ । देशभर २२ हजार व्यवसायी यो क्षेत्रमा संलग्न रहेको र १२ अर्बभन्दा धेरै कर राज्यलाई बुझाउने गरेको महासंघले जनाएको छ ।

नयाँ नेतृत्व चयन गर्न आज निर्वाचन

सुनचाँदी व्यवसायी महासंघको सातौं तथा आठौं वार्षिक साधारणसभा एवं तेस्रो महाधिवेशन काठमाडौंमा सुरु भएको छ । नयाँ कार्यसमिति चयन गर्दै वार्षिक साधारणसभा तथा अधिवेशन शनिबार सकिने छ । महाधिवेशनको महासंघका संस्थापक सल्लाहकार एवं शिक्षा विज्ञान तथा प्रविधिमन्त्री कृष्ण गोपाल श्रेष्ठले उद्घाटन गरेका थिए ।

महासंघको साधारणसभा तथा अधिवेशनमा सहभागी हुन देशका ६६ जिल्ला र नगरसंघ तथा वस्तुगत र एसोसियट सदस्यहरु गरी ६ सय भन्दा बढी प्रतिनिधि–पर्यवेक्षक काठमाडौंमा छन् ।

महासंघको बन्द सत्र तथा निर्वाचनको कार्यक्रम शनिबारलाई तोकिएको छ । निर्वाचनबाट ५५ सदस्यीय नयाँ कार्य समिति चयन हुने महासंघले जनाएको छ ।

छापा संस्करण

२०७७ माघ ६ मंगलवार

तपाईको सूचनाको तिर्खा मेट्न अपन दैनिक डट कममा ताजा र खोजमूलक समाचार (अपन दैनिक इ–पेपर) निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा अपन दैनिकले कहिल्यै कसैसँग सम्झौता गर्ने छैन ।

  • वेबसाईट: www.apandainik.com
  • ईमेल: [email protected]
  • फोन नम्बर: ९७७–०३३–५२१२१४
  • ठेगाना: सिरहा नगरपालिका वाड नम्बर ७, (जिल्ला– सिरहा प्रदेश नम्बर २ नेपाल)

प्रेस काउन्सिल दर्ता नं.: १०३५/०७५-०७६
जिल्ला प्रशासन सिरहा दर्ता नं.: ९०/०७१-०७२
पान नं. ६०२७९७३८६

  • प्रकाशक: शुभ नारायण कामती (9854021739, 9801321739)
  • विज्ञापनका लागि सम्पर्क: रुन्केश कामती (9852821214)

Copyright © 2016 / 2021 - अपन दैनिक - सर्वाधिकार सुरक्षित