बढ्दो सवारी दुर्घटना (सम्पादकीय)

बढ्दो सवारी दुर्घटना (सम्पादकीय)

सम्पादकीय
कार्तिक १४, २०७७ मा प्रकाशित
१०९ पटक पढिएको
बढ्दो सवारी दुर्घटना (सम्पादकीय)

कोरोना भाईरसको संक्रमणले गर्दा देशमा लकडाउन सुरु भयो । गत वर्षको चैन ११ देखि लकडाउन सुरु भएपछि सडकमा अति आवश्यक वाहेका सवारी साधनमा पूर्णत बन्देज लाग्यो । 
लामो लकडाउन विस्तारै खुकुलो भएसँगै सकडमा सवारी साधनको चाप वढदै् गयो । सडकमा सवारी चाप वढेसँगै ट्राफिक समस्या पनि थपिए । कोरोना कालमा स्वास्थ्यको प्रोटोकल अपनाएर सवारी चलाउने निर्देशनहरु जारी गरियो । ठाउँ ठाउँमा ट्राफिक प्रहरीको चेकप्वाईन्ट खडा भयो । 
यति भैरहँदा कोरोना संक्रमण रोक्न जारी गरिएको लकडाउन खुकुलो भएपछि सवारी दुर्घटनाका संख्यामा पनि ह्वात्तै वृद्धि भएको छ । झन् चाडपर्वको बेला संख्यामा बढोतरी भएको तथ्यांक सार्वजनिक भएको छ । प्रदेश प्रहरी कार्यालय जनकपुर अनुसार दशैंताका प्रदेश २ मा सडक दुर्घटनामा परी सबैभन्दा बढी २४ जनाको ज्यान गएको र तीन सय २६ जना घाइते भएका छन् । यस प्रदेश दशैंकोवीचमा १९४ वटा सवारी दुर्घटनाका भएको छ ।
सडक दुर्घटनाको अनेक कारणहरु भेटिन्छ । यद्यपी चालकको लापरबाही, सवारीसाधनको पार्टपुर्जामा समस्या र प्रदेश २ का सडकहरु खाल्डाखुल्डी हुनु मुख्य कारण हो । 
सवारी साधनमा चालकले ट्राफिक नियममा वेवास्ता गरेपछि अधिकांस दुर्घटना भएको प्रहरीको तथ्यांक छ । त्यसका निम्ति ट्राफिक प्रहरीले सचेतनामूल काम गर्दै आएको छ । ट्राफिक अपडेट, सचेतनामूलक पर्चा पम्पलेट, चाकलहरुलाई सामुहिक रुपमा ट्राफिक सचेतनामूलक जानकारी जस्ता कार्य गर्दै आएपनि वेवास्ताले दुर्घटना निम्त्याउने गरेको छ । 
त्यसपछि सवारी साधन लामो समयदेखि मर्मत सम्भार नहुनु र प्रदेश २ भरीका पूर्वपश्चिम राजमार्गसँगै सहायक राजमार्ग, भित्री सडकहरुमा खाल्डाखुल्डीले गर्दा दैनिकजसो दुर्घटना हुँदै आएको छ । 
प्रदेश २ बढ्न थालेको सवारी दुर्घटनालाई न्यूनिकरणमा जोड दिनुपर्छ । स्थानीय, प्रदेश र संघ सरकारले सडकको स्तोरोन्नतीको सवालसँगै गाउँघरमा ट्राफिक सचेतनालाई प्राथमिकतामा राख्नु अति आवश्यक छ । यसले दुर्घटनमा हुने मानवीय, भौतिक र आर्थिक क्षतिलाई न्यूनिकरण गर्न सकिन्छ ।

तपाईको सूचनाको तिर्खा मेट्न अपन दैनिक डट कममा ताजा र खोजमूलक समाचार (अपन दैनिक इ–पेपर) निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा अपन दैनिकले कहिल्यै कसैसँग सम्झौता गर्ने छैन ।

  • वेबसाईट: www.apandainik.com
  • ईमेल: [email protected]
  • फोन नम्बर: ९७७–०३३–५२१२१४
  • ठेगाना: सिरहा नगरपालिका वाड नम्बर ७, (जिल्ला– सिरहा प्रदेश नम्बर २ नेपाल)

प्रेस काउन्सिल दर्ता नं.: १०३५/०७५-०७६
जिल्ला प्रशासन सिरहा दर्ता नं.: ९०/०७१-०७२
पान नं. ६०२७९७३८६

  • प्रकाशक: शुभ नारायण कामती (9854021739, 9801321739)
  • विज्ञापनका लागि सम्पर्क: रुन्केश कामती (9852821214)

Copyright © 2016 / 2020 - अपन दैनिक - सर्वाधिकार सुरक्षित