कोभिड- १९ [अपडेट]

बाबुबाटै छोरी बलात्कृत !

अपन दैनिक संवाददाता
भदौ २८, २०७७ मा प्रकाशित
१६२ पटक पढिएको
बाबुबाटै छोरी बलात्कृत !

ललितपुर । ललितपुरको महालक्ष्मी नगरपालिकामा–६, मा आफ्नै बाबुबाट १७ वर्षकी किशोरी बलात्कृत भएकी छिन् ।
सिन्धुपाल्चोका ४० वर्षका पुरुष छोरी बलात्कारको आरोपमा पक्राउ परेका छन् । उनले एक वर्षयता बलात्कार गर्दै आएको किशोरीले बताएकी छन् ।
‘पटक पटक बलात्कार भएपछि पीडित युवती र उनका भाई उजुरी दिन आएका थिए’, महानगरीय प्रहरी प्रभाग लुभुका सई रत्नबहादुर थापाले भने, ‘उजुरीको आधारमा हामीले गत ७ असारमा पीडकतलाई पक्राउ गरी पक्राउ गरेर महानगरीय प्रहरी बृत्त, सातदोवाटोलाई बुझाएका हौँ ।’
अहिले ती पुरुष पुर्पक्षका लागि कारागारमा छन् । उनी लकडाउनअघि घरमा रङ लगाउने काम गर्दै आएका थिए । विगत सात वर्षदेखि समता स्कुलको होस्टेलमा बस्दै आएकी छोरीलाई डेढ वर्षअघि आफूसँगै राख्न ल्याएका थिए । किशोरीकी आमा अपांग छिन् ।
आमा–छोरीलाई घर निकाला
यो परिवार शिद्धिपुरामा मासिक चार हजार रुपैयाँ भाडा तिर्ने गरी विगत सात वर्षदेखि बस्दै आएको थियो । किशोरीकी आमाले भनिन्, ‘यसरी (श्रीमानलाई) प्रहरीले लगेपछि छोरी र मैले घरवेटी समाजबाट दैनिक तिरस्कार र दवावको सामना गर्नुपर्‍यो’, उनले अनलाइनखबरसँग भनिन्, ‘दैनिक भाडा मागेर प्रेसर दिन थाले । सात महिनादेखि भाडा नदिएको भन्दै घरवेटीले कोठामा ताल्चा लगाएपछि हामी बिचल्लीमा पर्‍यौँ ।’ उनको सात वर्षका छोरा पनि छन् ।
घरमा बस्नै नसक्ने भएपछि अपांग आमा सहयोग माग्न लुभुको प्रहरी कार्यालयमा पुगेकी थिइन् । गत आइतबार बलात्कृत किशोरीलाई नेपाल अपांग संघले आफ्नो सुधारगृहमा राख्न लगेको अध्यक्ष टीका दाहालले बताइन् । घरमा बस्ने अवस्था नभएपछि ओरेक नेपाल र अपांग संघको समन्वयमा आमा र छोरालाई महिला आयोगको सेल्टरमा पु¥याएको ओरेक नेपालकी कार्यक्रम संयोजक संजिता तिमल्सिनाले बताइन् ।

छापा संस्करण

२०७७ असाेज ५ सोमवार

तपाईको सूचनाको तिर्खा मेट्न अपन दैनिक डट कममा ताजा र खोजमूलक समाचार (अपन दैनिक इ–पेपर) निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा अपन दैनिकले कहिल्यै कसैसँग सम्झौता गर्ने छैन ।

  • वेबसाईट: www.apandainik.com
  • ईमेल: [email protected]
  • फोन नम्बर: ९७७–०३३–५२१२१४
  • ठेगाना: सिरहा नगरपालिका वाड नम्बर ७, (जिल्ला– सिरहा प्रदेश नम्बर २ नेपाल)

प्रेस काउन्सिल दर्ता नं.: १०३५/०७५-०७६
जिल्ला प्रशासन सिरहा दर्ता नं.: ९०/०७१-०७२
पान नं. ६०२७९७३८६

  • प्रकाशक: शुभ नारायण कामती (9854021739, 9801321739)
  • विज्ञापनका लागि सम्पर्क: रुन्केश कामती (9852821214)

Copyright © 2016 / 2020 - अपन दैनिक - सर्वाधिकार सुरक्षित