कोभिड- १९ [अपडेट]

सुशान्तसिंह राजपूतका घरेलु सहयोगी पक्राउ

एजेन्सी
भदौ २०, २०७७ मा प्रकाशित
२९२ पटक पढिएको
सुशान्तसिंह राजपूतका घरेलु सहयोगी पक्राउ

एजेन्सी । केही महिनाअघि आत्महत्या गरेका भनिएको बलिउड अभिनेता सुशान्तसिंह राजपूतका घरेलु सहायक दीपेश सावन्त पक्राउ परेका छन् । सुशान्त सिंह राजपूतको मुद्दा चलिरहेका बेला नारकोटिक्स कन्ट्रोल ब्यूरो (एनसीबी) ले राजपूतको घरमा सहयोगीको रुपमा काम गर्दै आएका दीपेशलाई पक्राउ गरेको हो ।
एनसीबीका डेपुटी डाइरेक्टर केपीएस मल्होत्राले घरेलु सहयोगी दीपेश पक्राउ परेको पुष्टि गरेका छन् । दीपेशलाई लागूपदार्थ खरिद र कारोबार गरेको आरोप पक्राउ गरिएको जनाइएको छ । उनी डिजिटल सबुत र बयानका आधारमा पक्राउ परेका हुन् ।
उनलाई आइतबार बिहान ११ बजे अदालतमा पेश गरिनेछ । दीपेशलाई अहिले सोधपुछ गर्ने काम भैरहेको भारतीय प्रहरीले जनाएको छ । यसअघि सुशान्तकी प्रेमिका रिया चक्रवर्तीका भाई शौविक चक्रवर्ती र सुशान्तका प्रबन्धक शमुएल मिरन्डालाई हिरासतमा राखिदै आएको छ । उही समयमा ड्रग पेडलर काइजेनलाई पनि १४ दिनका लागि न्यायिक हिरासतमा पठाइएको छ ।
एनसीबीले शौविक चक्रवती र शमुएल मिरन्दालाई भने ७ दिनको हिरासतमा पठाएको छ । एनसीबी दक्षिण पश्चिम डेपुटी डीजी मुथा अशोक जैनले भने– ‘४ जनलाई हिरासतमा राखिएको छ । रिया चक्रवर्ती लगायत अरु धेरैलाई अनुसन्धानमा सहभागी हुन आग्रह गरिनेछ ।’ सुशान्तको मृत्युपछि त्यहाँको प्रहरीले रिया चक्रवर्ती लगायत थुप्रैलाई थप अनुसन्धानका लागि सोधपुछ गर्ने र हिरासतमा लिने क्रम जारी राखेको भन्दै बीबीसीले सामाचार लेखेको छ ।

तपाईको सूचनाको तिर्खा मेट्न अपन दैनिक डट कममा ताजा र खोजमूलक समाचार (अपन दैनिक इ–पेपर) निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा अपन दैनिकले कहिल्यै कसैसँग सम्झौता गर्ने छैन ।

  • वेबसाईट: www.apandainik.com
  • ईमेल: [email protected]
  • फोन नम्बर: ९७७–०३३–५२१२१४
  • ठेगाना: सिरहा नगरपालिका वाड नम्बर ७, (जिल्ला– सिरहा प्रदेश नम्बर २ नेपाल)

प्रेस काउन्सिल दर्ता नं.: १०३५/०७५-०७६
जिल्ला प्रशासन सिरहा दर्ता नं.: ९०/०७१-०७२
पान नं. ६०२७९७३८६

  • प्रकाशक: शुभ नारायण कामती (9854021739, 9801321739)
  • विज्ञापनका लागि सम्पर्क: रुन्केश कामती (9852821214)

Copyright © 2016 / 2020 - अपन दैनिक - सर्वाधिकार सुरक्षित