सन् २०२१ को मध्यसम्म कोरोना खोप आउँदैन : डब्ल्यूएचओ

सन् २०२१ को मध्यसम्म कोरोना खोप आउँदैन : डब्ल्यूएचओ

अपन दैनिक संवाददाता
भदौ १९, २०७७ मा प्रकाशित
३०५ पटक पढिएको
सन् २०२१ को मध्यसम्म कोरोना खोप आउँदैन : डब्ल्यूएचओ

काठमाडौं । विश्व स्वास्थ्य संगठन (डब्ल्यूएचओ)ले कोरोना भाइरस (कोभिड-१९) विरुद्धको खोप सन् २०२१ को मध्यसम्म आम मानिसमा प्रयोगको लागि उपलब्ध नहुने बताएको छ ।
शुक्रबार डब्ल्यूएचओकी प्रवक्ता मगरेट ह्यारिसले खोपको प्रभावकारितामा कडा परीक्षण गरिनुपर्ने उल्लेख गरिन् । उनका अनुसार अहिलेसम्म कुनै पनि खोपले क्लिनिकल परीक्षणको महत्वपूर्ण चरण पार नगरेको र कुनैमा पनि स्पष्टरुपमा डब्ल्यूएचओले तोकेअनुसारको ५० प्रतिशतभन्दा बढी प्रभावकारिता पाइएको छैन ।
गत अगष्ट महिनामा रुसले कोरोना खोपको घोषणा गरेसँगै अहिले खोपको सुरक्षा र प्रभावकारितामाथि प्रश्न उठेको छ । रुसले मानिसमा खोपको परीक्षण सुरु गरिएको दुई महिनाभित्रै खोपको घोषणा गरेको हो ।
अमेरिकाको सार्वजनिक स्वास्थ्य अधिकारीहरु र फाइजर इंकले बिहीबार खोप अक्टोबरसम्ममा वितरणको लागि तयार हुने बताएका थिए । अमेरिकामा नोभेम्बरमा हुन गइरहेको निर्वाचनअघि नै मानिसहरुलाई दिने तयारीका साथमा अमेरिकामा खोपको वितरण गर्न लागिएको बताइएको छ ।
यसैबीच डब्ल्यूएचओकी प्रवक्ता ह्यारिसले आगामी वर्षको मध्ययता ठूलो संख्यामा मानिसहरुलाई दिने गरी खोप उपलब्ध नहुने बताएकी हुन् । जेनेभामा बि्रफिङमा बोल्दै उनले तेस्रो चरणको क्लिनिकल परीक्षणको समय लामो हुनुपर्ने बताएकी छिन् । यद्यपि उनले कुनै खोपको नाम भने लिइनन् । उनले खोपको परीक्षणको डेटाहरु साट्ने र तुलना पनि गरिनुपर्ने उल्लेख गरेकी छिन् ।
स्रोत : अलजाजिरा

छापा संस्करण

२०७७ मंसिर ११ बिहिवार

तपाईको सूचनाको तिर्खा मेट्न अपन दैनिक डट कममा ताजा र खोजमूलक समाचार (अपन दैनिक इ–पेपर) निरन्तर सम्प्रेषण गर्दै जानेछ । राष्ट्रियता, लोकतन्त्र, नागरिक अधिकार, सुशासन र प्रेस स्वतन्त्रताका सवालमा अपन दैनिकले कहिल्यै कसैसँग सम्झौता गर्ने छैन ।

  • वेबसाईट: www.apandainik.com
  • ईमेल: [email protected]
  • फोन नम्बर: ९७७–०३३–५२१२१४
  • ठेगाना: सिरहा नगरपालिका वाड नम्बर ७, (जिल्ला– सिरहा प्रदेश नम्बर २ नेपाल)

प्रेस काउन्सिल दर्ता नं.: १०३५/०७५-०७६
जिल्ला प्रशासन सिरहा दर्ता नं.: ९०/०७१-०७२
पान नं. ६०२७९७३८६

  • प्रकाशक: शुभ नारायण कामती (9854021739, 9801321739)
  • विज्ञापनका लागि सम्पर्क: रुन्केश कामती (9852821214)

Copyright © 2016 / 2020 - अपन दैनिक - सर्वाधिकार सुरक्षित